Дзіцячыя вершы

Весялімся мы сягоння
Вакол елкі навагодняй
Праз мяцель і снег глыбокі
У госьці к нам прыйшла здалеку
Цацкі,зорачкі,сняжынкі
Упрыгожваюць галінкі.

                              Мікалай Кот

Са святой нядзелькаю!

Тчэ зіма кудзельку.
Скора будзе у зямлі
Белая пасцелька.

Крохкі лёд на лужыцах
Свеціцца хрусталікам.
А сняжок балуецца,-
Сыпле на ліхтарыкі.

На дамы,на вуліцы.

                            Ірына Дубашынская

Нібы церам,жоўты скверык,
Гэйты,церам-церамок,
Адчыні свае нам дзверы,
Адамкні хутчэй замок!
Ціха шчоўкнуў лісцік-ключык—
Пад нагамі—дыванок,
Жоўты,пышны і пявучы.
—Чый ты,церам-церамок?

                           Ніна Галіноўская

Мышка 
Мышка-палёўка, 
сівая галоўка, 
вушкі - ўсё чуюць, 
вочкі - пільнуюць. 

Цягне пад горку, 
у закуток-норку, 
у свой церамок 
спелы каласок. 

Яе ля паветкі 
сустракаюць дзеткі. 
Голасна пішчаць - 
надакучыла чакаць! 

Матулі весела, 
бо яда прынесена. 

                           Іван Юкляеўскі

Не сядзіцца ў хаце хлопчыку малому:
Кліча яго рэчка, цягнуць санкі з дому.
– Мамачка-галубка! – просіць сын так міла.
– Можа б, ты на рэчку пагуляць пусціла?
Я не буду доўга, зараз жа вярнуся,
Трошачкі на рэчцы ў санках паважуся.
– Ну, ідзі, пабегай, толькі апраніся
Ды, глядзі, ў палонку, сынку, не ўваліся.

                             Якуб Колас

З Новым годам, з Новым годам! 
З новай песняй, з новай казкай! 
Зачаруем мімаходам 
Долі ходы думкай-краскай! 

Кінем покліч гулказвонны 
Ад аконца да аконца, 
Свет паклічам мёртва-сонны 
Аж да сонца, аж да сонца! 

Для унукаў, для праўнукаў 
Расцярэбім сцежкі-шляхі; 
Хай пануюць над прынукай - 
Каб аж к небу лёту ўзмахі!.. 

Над зямлёй зардзіць вясёлка 
После бураў, ліхалеццяў; 
Бацьку, маці жыць нялёгка, - 
Хай жа лёгка жывуць дзеці! 

З Новым годам, што крыніцай 
Новай пойдзе ў пераходзе, 
Беларуская зямліца! 
Беларускі наш народзе! 

                              Янка Купала